District About Us
Locate a School
Directory
Calendars
Contact Us
Sitemap
 
  
 
SPPS Main site
H1N1 Novel Virus Update
Peb koog tsev kawm ntawv los zoo ib yam li cov tsev kawm ntawv nyob thoob lub nroog no thiab, cov xov uas peb hais mus qhia rau lub xeev paub txog cov tub ntxhais kawm ntawv uas mob zoo xws li mob khaub thuas mas tsuas muaj ntau zuj zus xwb. Cov thawj coj hauv hauv paus tsev kawm ntawv los yeej sib txuas lus nraim nrog cov kws saib xyuas kev noj qab nyob zoo sab nraud thiab.

Hais txog tus khaub thuas H1N1 uas raug tshaj tawm heev niaj hnub no, peb zoo siab heev uas peb kuj paub txog ntau tshaj thaum lub caij ntuj tshiab tas los lawm thiab. Tus khaub thuas H1N1 no yeej muaj ntsis mob zoo xws li lwm hom khaub thuas thiab. Vim li no, yav tom ntej no, yog muaj kev sib txuas lus dab tsi hais txog tus khaub thuas H1N1, hauv paus tsev kawm ntawv yuav siv lub npe hais tias khaub thuas no lawm xwb, tshwj qhov muaj lwm yam uas yuav tau hais taw ntsees tias yog tus khaub thuas H1N1. Raws li cov khaub thuas uas peb pom hauv peb cov tsev kawm ntawv tas los no, peb kuj tsis paub hais tias yav tom ntej no yuav zoo li cas thiab. Tus khaub thuas H1N1 yog ib yam khaub thuas tshwm sim tshiab thiab tej zaum yuav muaj hloov los kuj tsis paub, tiam sis, raws li Centers for Disease Control hais, txoj kev saib xyuas ib tug neeg mob khaub thuas, tsis hais hom twg, yeej yog saib xyuas tib yam xws li nram qab no:

  • Ntxuav tes kom huv si
  • Npog qhov ncauj thaum hnoos
  • Niaj hnub tu vaj tse thiab ntxuav vaj ntxuav tsev kom huv si li qub
  • Nyob twj ywm hauv tsev thaum muaj mob.
  • Ntxov kho cov tib neeg uas ntxim yuav raug khaub thuas hnyav


CDC hais tias cov neeg uas mob li mob khaub thuas mas yuav tsum nyob twj ywm hauv tsev qhov tsawg kawg yuav tsum yog 24 teev tom qab tsis muaj kub ib ce lawm. Ntxiv qhov no, luag hais tias kom yuav tsum tau mus txhaj tshuaj tiv thaiv thaum muaj hom tshuaj txhaj tiv thaiv khaub thuas N1N1 thiab.

Minnesota Department of Health muaj ib tug xov tooj uas koj muaj peev xwm yuav hu tau rau yog tias koj muaj lus dab tsi xav nug txog yam mob khaub thuas. Cov neeg nyob hauv Minnesota uas tau tus mob khaub thuas muaj peev xwm hu tau rau tus xov tooj dawb ntawm 1-866-259-4655 (Hais ua lus Askiv nkaus xwb)

Yog koj tus me nyuam yuav tsum tau mus kuaj mob los sis yog koj xav tau kev pab nrhiav kws khob mob, thov hu rau Neighborhood Health Care Network ntawm tus xov tooj 651-489-2273 (Peb muaj cov neeg ua hauj lwm xws li Hmoob, Mev, thiab Somali nyob ntawm no yuav pab koj).

Muaj qhia ntxiv txog tus khaub thuas H1N1 nyob rau ntawm MDH qhov website:
www.mdhflu.com (Muaj xov xwm sau ua lus Hmoob, Mev thiab Somali)

Tsis tas li ntawd, cov website nyob rau nram qab no muaj xov xwm sau ua lus (insert language) hais txog kev tiv thaiv koj tus kheej thiab koj lub zej lub zog kom tsis txhob kis tus khaub thuas H1N1 (I will link these):

H1N1 – Paub hais tias yuav ua li cas thaum muaj tus mob khaub thuas
H1N1 – Tiv thaiv koj tus kheej

Nyob rau hauv peb cov tsev kawm ntawv, cov thawj coj thiab cov neeg tu vaj tu tsev yeej niaj hnub tu thiab ntxuav vaj ntxuav tse kom huv si, xws li yeej ib sij mus xyuas cov tsev dej ib zaug kom muaj xaj npaum ntxuav tes thiab ntaub so tes tas li. Xws li hauv paus tsev kawm ntawv ib txwm ua los, muaj xov dab tsi tshiab txog tus khaub thuas H1N1 no, peb mam li muab tso rau hauv qhov website no rau sawv daws tau los nyeem.