Vim li cas thiaj kaw cov tsev kawm ntawv?
Nyob rau hnub Sunday, lub 3 Hlis tim 15, Governor Tim Walz tau hais kom yuav tsum kaw tag nrho cov tsev kawm ntawv txij hnub Wednesday, lub Peb Hlis tim 18 mus txog Friday, lub Peb Hlis tim 27. Qhov kaw cov tsev kawm ntawv no yog cia cov tsev kawm ntawv mus npaj txoj kev kawm distance learning (nyob hauv tsev kawm) tsam ho yuav tau kaw tsev kawm ntawv ntev. Xees Phos Tsoom Fwv Tsev Kawm Ntawv kuj kaw tib si rau hnub Monday, lub Peb Hlis tim 16, thiab Tuesday, lub Peb Hlis tim 17 thiab, vim yuav tau mus pib npaj txoj kev kawm distance learning thiab kev pab zaub mov rau cov tub ntxhais kawm ntawv rau lub caij uas muaj kaw tsev kawm ntawv thoob plaws hauv lub xeev. 

Tsev kawm ntawv yuav kaw ntev li cas?
Tsev kawm ntawv yuav kaw mus txog rau hnub Friday lub Peb Hlis tim 27.

Yuav ua li cas kuv tus me nyuam thiaj muaj kev kawm ntxiv rau lub caij uas kaw tsev kawm ntawv?
Muaj ntau yam kev kawm online uas kawm dawb los sis tsis yuav nqi li ib txwm rau lub caij no. Tej yam uas sawv daws nyiam muaj xws li nram no:

• Library Go (Saint Paul Public Libraries)
• Khan Academy
• Scholastic

Lub caij so rau caij nplooj hlav puas tseem yog lub Peb Hlis tim 30 txog lub Plaub Hlis tim 3?
Nyob rau lub sij hawm no, kev so rau lub caij nplooj hlav tseem yog li qub raws li tau npaj tseg.

Tsev kawm ntawv cov koom txoos puas yuav raug tso tseg?
Txhua qhov kev koom txoos loj uas tsev kawm ntawv npaj, xws li seev cev, ua yeeb yam, kis las thiab hu nkauj, ces twb muab ncua los sis tso tseg txij li lub Peb Hlis tim 13 lawm. Thov mus saib nej lub tsev kawm ntawv lub website kom paub tias muab yam twg tso tseg lawm.

SPPS puas tseem muaj cov kev tawm mus txawv xeev thiab ntoj ke mus txawv teb chaws?
Cov kev tawm mus kawm sab nraud, thiab hauv paus tsev kawm ntawv cov kev npaj tawm mus txawv xeev thiab ntoj ke mus txawv teb chaws ces twb muab tso tseg lawm.

Kuv tus me nyuam muaj tshuaj nyob rau tom tsev kawm ntawv. Kuv yuav mus nqa li cas?
Thov tiv tauj nej lub tsev kawm ntawv cov neeg ua hauj lwm pab rau fab kev noj qab nyob zoo es teem caij mus nqa los sis hais kom xa los tsev. Cov neeg saib kev noj qab nyob zoo yuav tiv tauj cov tsev neeg txog kev faib cov iPads los mus li cas rau thaum uas tsim nyog thiab. 

Puas muaj kev pab rau fab kev noj qab nyob zoo rau lub caij uas kaw tsev kawm ntawv?
Cov chaw kuaj mob Health Start hauv Como Park, Harding, Highland Park, Johnson thiab Gordon Parks yuav qhib pab rau kev noj qab nyob zoo, noj haus, pab rau lub hlwb thiab kawm txog kev noj qab nyob zoo rau lub caij uas tsev kawm ntawv kaw no.

Thov mus saib hauv https://www.spps.org/Page/38775 kom paub cov sij hawm thiab lwm yam ntsiab lus. Peb tsis muaj kev kuaj mob los sis kuaj cov kab mob COVID-19 rau ntawm cov chaw no.

Puas muaj kev pab zaub mov rau cov tub ntxhais kawm ntawv? Thaum twg npav mam thauj zaub mov tuaj rau kuv tus me nyuam?
Muaj, cov tsev neeg muaj peev xwm mus nqa zaub mov tau ntawm SPPS qhov chaw tos npav los sis tsev kawm ntawv, qhov twg los tau, raws li cov hnub uas teem tseg. Yog xav paub cov sij hawm thiab lwm yam ntsiab lus, thov mus saib hauv https://www.spps.org/Page/38774

Puas yog kuv yuav tsum mus nqa tom kuv tus me nyuam qhov chaw tos npav los sis tsev kawm ntawv? Yuav ua li cas yog kuv muaj me nyuam kawm rau ntau lub tsev kawm ntawv?
Cov tsev neeg mus nqa tau zaub mov rau lawv tus me nyuam ntawm qhov chaw tos npav los sis tsev kawm ntawv, qhov twg los tau. 

Kuv mus tsis ncav thaum npav thauj zaub mov tuaj. Kuv puas tseem mus nqa tau zaub mov rau kuv tus me nyuam?
Mus nqa cov zaub mov no hauv tsev kawm ntawv rau thaum thawj 30 feeb uas tsev kawm ntawv qhib los tau rau hnub Wednesday, Thursday los sis Friday, nyob ntawm seb lub tsev kawm ntawv ntawd lub sij hawm qhib ua hauj lwm yog li cas. Thov mus saib kev qhia tag nrho cov sij hawm nyob rau ntawm no:https://www.spps.org/Page/38774

Thaum twg mam pib distance learning (nyob hauv tsev kawm)?
Distance learning los sis nyob hauv tsev kawm yuav pib tom qab so lub caij nplooj hlav (lub Peb Hlis tim 30-lub Plaub Hlis tim 3) tas yog tias tsev kawm ntawv tseem kaw. Kev kaw tsev kawm ntawv thoob plaws lub xeev txij lub Peb Hlis tim 18 txog 27 yog muab sij hawm rau cov hauv paus tsev kawm ntawv mus npaj rau qhov distance learning (nyob hauv tsev kawm) tsam tsev kawm ntawv ho raug kaw ntev dua vim tus kab mob COVID-19. 

Kuv yuav mus nqa kuv tus me nyuam lub iPad li cas?
Cov tsev kawm ntawv twb hais rau cov tsev neeg kom mus nqa lawv cov iPads rau hnub Tuesday, lub Peb Hlis tim 17 lawm. Nov yog xam cov kawm qib K-12 tib si; Cov PreK ces lawv yuav muaj lawv ib seem kawm tom tsev uas tsis siv iPads. Yog tias cov tsev neeg tuaj nqa tsis tau lawv cov iPads tom tsev kawm ntawv, hauv paus tsev kawm ntawv mam li npaj kom muaj tsheb thauj cov cov iPads mus rau lawv los sis mam teem dua ib hnub txawv rau lawv tuaj nqa. Thov taug xov ntawm nej lub tsev kawm ntawv seb muaj dab tsi ntxiv.

Yuav ua cas yog tias kuv tsis muaj internet hauv tsev?
Yog tias koj tsis muaj internet hauv tsev, Xfinity muaj cov hotspots uas koj muaj peev xwm siv tau dawb nyob rau ntawm txhua cheeb tsam. https://corporate.comcast.com/covid-19.

Yog kuv yuav tau mus ua hauj lwm, kuv yuav coj kuv cov me nyuam mus tso rau qhov twg?
Discovery Club kaw lawm raws li txoj cai tswj fwm kom kaw cov tsev kawm ntawv. Peb tsis muaj kev pab zov me nyuam li niaj zaus rau cov tsev neeg lub caij no.

Yuav ua li cas hais txog cov tub ntxhais kawm ntawv uas lawv niam lawv txiv yog cov uas ua hauj lwm xub mus pab lwm tus los sis ua kws kho mob?
Saint Paul Community Education yuav muaj zov cov me nyuam hnub nyoog 5-12 xyoos rau cov neeg uas ua hauj lwm xub mus pab lwm tus thiab cov uas ua hauj lwm pab rau fab kev noj qab nyob zoo uas nyob hauv Xees Phos. Tej zaum yuav nug kom koj muab pov thawj txog kev ua hauj lwm.

Yog xav paub txog cov sij hawm, chaw thiab kev sau npe, mus saib hauv https://www.spps.org/ekidscare