Cov tub ntxhais kawm hauv SPPS qhov khoos kas Pre-K thiab Early Childhood Special Education (ECSE) ces qhov khoos kas School Home Partners rau kev kawm li mam qhia txog siv Seesaw thiab tej kev txawm peem los, uas muaj txog ob peb hom lus.

Qhov nyob hauv tsev kawm rau cov me li no mas cov saib xyuas yuav tau pab thiab xaiv cov ntawv kawm kom haum.  Cov xib hwb yuav npaj tej ntawv uas txaus kawm ntev li 2.5 teev txhua hnub rau hauv Seesaw. 

Cov tsev neeg yuav tau txheeb npe nkag txhua hnub los sis txhua lim tiam nrog tus xib hwb qhia tias tus me nyuam tsis qhaj ntawv, nyob ntawm seb tsev neeg thiab tus xib hwb sib teem li cas.  Tej zaum yuav siv Seesaw txheeb npe (pom duab hais lus, sau ntawv, duab), email los sis xa ntawv. 

Nyob hauv Seesaw, cov xib hwb yuav tso ib qhov kev kawm ntawm tsib qhov qauv kawm uas npaj rau cov Early Childhood.  Ib hnub twg cov saib xyuas yuav mus saib ib qhov kev kawm ib zaug nrog tus tub ntxhais kawm.

Cov tub ntxhais kawm uas kawm cov ntawv tshwj xeeb hauv Early Childhood yuav tau kawm cov ntawv uas npaj kom haum rau lawv qhov IFSP thiab IEP lub hom phiaj, thiab nrog cov saib xyuas tawm tswv yim kom tau lub tswv yim zoo los qhia rau txhua hnub.

Cov Ntaub Ntawv (Assignments)

Yuav muaj cov ntaub ntawv npaj txhij txhua hnub rau thaum pib kawm ntawv, 7:30 a.m., 8:30 a.m. los sis 9:30 a.m.

• Cov tub ntxhais kawm qib K-2: Txhua hnub, cov xib hwb yuav muab cov ntaub ntawv tso rau hauv Seesaw
• Cov tub ntxhais lawm qib 3-5: Txhua hnub, cov xib hwb yuav muab cov ntaub ntawv tso rau hauv Schoology  

Ib hnub ntawm cov tsev kawm ntawv theem qis uas cov tub ntxhais kawm yuav tau koom tes kawm yog 2-2.5 teev.  Ib hnub twg tub ntxhais kawm yuav tau siv li 1-2 teev kawm online.

Mus Kawm Ntawv (Attendance)

Txhua hnub tus xib hwb yuav tso ib cov lus “Tos Txais Sawv Ntxov”, thaum me nyuam nkag mus rau hauv Seesaw (K-2) los sis Schoology (3-5), lawv yuav tau teb cov lus “Tos Txais Sawv Ntxov” ces suav tias lawv mus kawm ntawv.

• Cov tub ntxhais kawm qib K-2: Teb lawv cov lus Tos Txais Sawv Ntxov rau hauv Seesaw.
• Cov tub ntxhais kawm qib 3-5: Teb lawv cov lus Tos Txais Sawv Ntxov rau hauv Schoology. 

Cov Ntaub Ntawv (Assignments)

Txhua hnub, yuav muaj cov ntaub ntawv npaj txhij rau thaum pib kawm ntawv, 7:30 a.m., 8:30 a.m. los sis 9:30 a.m.

• Txhua hnub, cov xib hwb yuav muab cov ntaub ntawv kawm tso rau hauv Schoology
• Ib hnub, cov tub ntxhais kawm yuav muaj 2-3 chav 

Ib hnub ntawm cov tsev kawm ntawv theem nrab uas cov tub ntxhais kawm yuav tau koom tes nyob hauv tsev kawm yog 3-4 teev.  Ib hnub twg cov tub ntxhais kawm hauv tsev kawm theem nrab yuav tau siv li 2-3 teev kawm online.   

Mus Kawm Ntawv (Attendance)

Thaum tub ntxhais kawm teb lawv tus xib hwb cov lus uas nws tso rau hauv Schoology txhua hnub ces suav tias lawv mus kawm ntawv. 

Cov Ntaub Ntawv (Assignments)

Txhua hnub, yuav muaj cov ntaub ntawv npaj txhij rau thaum pib kawm ntawv, 7:30 a.m., 8:30 a.m. los sis 9:30 a.m.

• Txhua hnub, cov xib hwb yuav muab cov ntaub ntawv kawm tso rau hauv Schoology
• Ib hnub, cov tub ntxhais kawm yuav muaj 3-4 chav

Ib hnub ntawm cov tsev kawm ntawv theem siab uas cov tub ntxhais kawm yuav tau koom tes nyob hauv tsev kawm yog 4-4.5 teev.  Ib hnub twg cov tub ntxhais kawm hauv tsev kawm theem nrab yuav tau siv li 3-4 teev kawm online.   

Mus Kawm Ntawv (Attendance)  

Thaum tub ntxhais kawm teb lawv tus xib hwb cov lus uas nws tso rau hauv Schoology txhua hnub ces suav tias lawv mus kawm ntawv.

Cov tub ntxhais kawm uas kawm qhov Individual Education Plans (IEP) los sis Individual Family Service Plan (IFSP) thiab Plans 504

SPPS yuav ua zoo saib kom ua tau zoo raws li zoo tau los pab rau cov tub ntxhais kawm uas muaj puas cev kom lawv tau cov ntawv tshwj xeeb kawm thiab tau txais cov kev pab uas hais rau hauv lawv qhov IEP los sis IFSP, uas tsim raws txoj cai Individuals with Disabilities Education Act (IDEA), los sis tsim raws li hauv Section 504. (34 CFR §§ 300.101 thiab 300.201 (IDEA), thiab 34 CFR § 104.33 (Section 504)).Lub caij nyob hauv tsev kawm, cov kev pab txhawb rau fab kawm ntawv tshwj xeeb thiab 504 yuav muaj li hauv no: 

• Koom-qhia thiab nrog cov xib hwb qhia ntawv hauv chav npaj cov kev kawm ua ke
• Yoog thiab/los sis muab cov kev kawm hauv chav kho kom haum tub ntxhais kawm txoj kev kawm
• Npaj cov ntawv kawm online uas twb yoog haum lawm 
• Teem sij hawm nrog tub ntxhais kawm tham hauv xov tooj txog cov ntawv kawm
• Pab qhia txog kev ua ntawv thiab hais lus nplij siab rau tub ntxhais kawm hauv xov tooj
• Tsim daim txiag ntoo tso kev xaiv (choice board) rau tub ntxhais kawm raws cov hom phiaj 
• Pab xa email tsis tu ncua mus rau tsev neeg thiab txhawb txoj kev kawm ntawv tshwj xeeb rau tub ntxhais kawm
• Pawg neeg ua hauj lwm rau Special Ed. IEP los sis 504 yuav ntsib tsev neeg raws li tsim nyog.  Yuav muaj cov neeg txhais lus uas kawm tawm los pab txhais lus rau tsev neeg. 

Cov thawj thiab cov pab tswv yim hauv qhov kev kawm tshwj xeeb (Special Education) yuav pab cov neeg ua hauj lwm rau seem ntawv tshwj xeeb no rau thaum lawv npaj cov kev kawm uas nyob hauv tsev kawm rau cov tub ntxhais uas kawm cov ntawv tshwj xeeb no.  Xav paub ntxiv, mus saib hauv chav hauj lwm tshwj xeeb lub website.

Tsis ua tib txhij kawm yog thaum tus xib hwb thiab tus tub ntxhais kawm nyias nyob nyias ib qho, thiab tsis qhia thiab kawm rau tib lub sij hawm. Cov tub ntxhais kawm uas kawm rau hauv qhov tsis ua tib txhij kawm nov ces nws ua nws cov ntawv kom tas rau hnub ntawd thaum twg los tau, nyob ntawm seb lub caij twg zoo rau tus tub ntxhais kawm thiab nws tsev neeg.

Ua tib txhij kawm yog thaum tus xib hwb thiab tus tub ntxhais kawm nyias nyob nyias ib qho, tiam sis kawm rau tib lub sij hawm.  Cov tub ntxhais kawm uas kawm rau hauv qhov ua tib txhij kawm yuav tau qhib koos pis tawj rau lub sij hawm uas tus xib hwb qhia ntawd.

Yuav ua kom paub tias tsis qhaj ntawv, SPPS hais kom tub ntxhais kawm mus teb xib hwb cov lus “Tos Txais Sawv Ntxov” hauv Seesaw (K-2) los sis Schoology (3-12) ua ntej hnub ntawd xaus.  Cov xib hwb yuav tso cov ntaub ntawv uas yuav kawm txhua hnub rau hauv Seesaw los sis Schoology thaum pib kawm ntawv rau hnub ntawd. 

SPPS qhov kawm ntawv hauv tsev cia siab rau qhov uas tub ntxhais kawm siv lawv cov iPads thiab kawm online rau hauv Seesaw thiab Schoology.  

Tej zaum cov xib hwb kuj siv hauv paus tsev kawm ntawv cov twj kawm ntawv uas pub siv nrog tub ntxhais kawm sib txuas lus xws li xa email, siv cov kev kawm online, teem nrog tej pab sib tham thiab tawm tswv yim, thiab tso duab saib thiab suab mloog.

Tej lub sij hawm thaum nruab hnub, tub ntxhais kawm kuj muaj cib fim nrog lawv tus xib hwb hais lus, koom tej pab hais lus, saib cov ntawv kawm hauv web, thiab hais lus pom duab nrog xib hwb thiab tub ntxhais kawm.

Lub cib fim uas tub ntxhais kawm thiab xib hwb muaj caij sib hais lus ces yog lub sij hawm kawm ntawv, thiab me nyuam tus xib hwb li mam txuas lus los rau tsev neeg.  Cov xib hwb mam qhia tias yuav tsum ua cov ntawv kom tas rau thaum twg.

Txhua lub tsev kawm ntawv nyias mam txiav nyias txim siab seb yuav muab qhab nia li cas rau thaum nyob hauv tsev kawm no thiab tsim lub caij nyoog tias yuav kawm mus li cas rau lub tsev kawm ntawv ntawd cov xib hwb siv.  

Yog tias tsis tau qhia meej, hnub puav saum no li mam qhia los rau cov tub ntxhais kawm, cov tsev neeg thiab cov neeg ua hauj lwm paub meej tias thawj lub lim tiam ntawm qhov kev nyob hauv tsev kawm no yuav muaj dab tsi.  

Hauv qab no nej yuav pom tej uas yuav muaj li cas.  Tub ntxhais kawm tus xib hwb thiab tus thawj xib hwb li mam qhia kom meej thiab ntxaws ntxiv los rau cov tsev neeg.