Yuav ua raws li tus Hau Xeev cov lus sam fwm kom nyob tsev twj ywm thiab nyob sib nrug, ces muab txhua yam kev sib tw kis las thiab koom txoos hauv lub xeev Minixaustas cov tsev kawm ntawv theem siab ncua mus txog thaum muaj li cas mam qhia ntxiv. 

 Tsis pub muaj kev sib tw los sis xyaum kis las rau hauv SPPS cov chaw kis las xws li hauv chav kis las, tiaj kis las thiab lwm qhov chaw uas thooj li ntawd.  Hnub History Day, Science Fair thiab lwm yam uas thooj li ntawd ces muab kaw lawm thiab, thaum muaj li cas mam qhia ntxiv. Kev muab ntawv tso cai (permit) rau sab hauv thiab sab nraud los kaw tib si rau lub caij kaw tsev kawm ntawv no lawm.

SPPS yuav txuas lus nrog cov tsev neeg thiab lub zej zos tsis tu ncua.  Hauv paus tsev kawm ntawv lub vas sab, spps.org/covid, yog qhov chaw tso cov kev paub rau hauv.  Lub hauv paus tsev kawm ntawv xa tej yam tshiab hauv email, text thiab hauv xov tooj tawm rau sawv daws raws li kev tsim nyog.

• Cov niam txiv uas txhawj txog kab mob ces tiv tauj Minixautas Chav Noj Qab Haus Huv ntawm 651-201-3920. 

Hauv paus tsev kawm ntawv tseem muaj qhov kev pab ncauj lus Askiv, Mev, Hmoob, Kas Liaj thiab Xamalis rau thaum nyob hauv tsev kawm no.  Cov tsev neeg uas xav tau neeg txhais lus ntsig txog kev kawm ntawv ces hu rau me nyuam lub tsev kawm ntawv los sis chav hauj lwm Office of Family Engagement thiab Community Partnerships ntawm 651-767-8347.

Nyob rau tej qhov chaw uas SPPS cov neeg ua hauj lwm los sis cov tub ntxhais kawm xav siv WiFi, ces lawv mus siv tau qhov free Comcast Wifi available specifically for COVID-19.

Muaj ib tug nab npawb hotspots rau tub ntxhais kawm thiab cov neeg ua hauj lwm mus nqa los sis mam muab xa los tsev.  

1930 Como Avenue yog Hauv Paus Tsev Kawm Ntawv qhov chaw pab thaum muaj teeb meem txog iPads, txoj hlua txhab roj, lub hnab iPad thiab WiFi.

Qhov chaw pab no yuav pab hauv xov tooj, online thiab ntawm ib sab ntug kev thiab hloov tej yam uas puas lawm. Yog tej qhov uas tsim nyog no ces li mam teem tuaj tom tsev ntawm tus xov tooj (651-603-HELP).

Txij lub Peb Hlis tim 18, tsheb npav twb pib thauj zaub mov mus rau ntawm chaw nce npav, tso ntawm ntug kev, thiab xa mus tom tsev lawm.  Ib tsev neeg tau txais 10 qhov zaub mov (tsib qhov tshais 5 qhov su) rau ib tug me nyuam. Qhov uas npav thauj mus rau ntawm qhov chaw nce npav thiab ntawm ntug kev ces muab teem rau txhua hnub Wednesday, Thursday, thiab Friday.  Thaum pib mas cov zaub mov uas mus nqa ntawm ntug kev muaj rau ntawm txhua lub tsev kawm ntawv thiab seb hnub twg mus rau lub tsev kawm ntawv twg (Wednesday txog Friday); tiam sis, tam sis no mus ces muab hloov mus rau ntawm 6 lub tsev kawm ntawv lawm xwb.  Thov mus saib hauv spps.org/Page/38722 kom paub cov chaw thiab sij hawm mus nqa zaub mov vim pheej hloov.  

 Cov tsev neeg uas tsis muaj tsheb los sis muaj cov me nyuam muaj mob uas yuav tau zov tau thov kom xa zaub mov mus rau tom lawv tsev ces peb tsis txais npe, vim puv tas lawm.  Cov tsev neeg uas peb twb txais npe lawm ces yuav tau txais cov zaub mov uas xa mus tom tsev txog thaum uas muaj hloov li cas peb mam qhia los rau nej paub. Yog muaj lus nug ces hais ncaj nraim mus rau tom qhov chaw sau npe (Placement Center).  Qhov khoos kas zaub mov no yuav tsis muaj rau thaum so lub caij nplooj zeeg. Qhov chaw ua zaub mov yuav siv cov tsheb thauj zaub mov txhua hnub rau thaum lub Peb Hlis tim 30 – lub Plaub Hlis tim 3.

SPPS ua kom cheeb tsam muaj kev thaj yeeb rau cov tub ntxhais kawm, cov tsev neeg thiab cov neeg ua hauj lwm.  Lub sij hawm no, txhua lub tsev kawm ntawv kaw thiab feem coob ntawm cov neeg ua hauj lwm ces nyob hauv tsev ua lawm xwb.

 Cov neeg ua hauj lwm rau seem zaub mov noj thiab zov me nyuam ces ua raws li Minixaustas Fab Kev Noj Qab Nyob Zoo cov lus pom zoo, xws li:

• Ntsuas cov neeg ua hauj lwm thiab cov uas koom rau qhov kev zov me nyuam no qhov sov thaum lawv tuaj txog ntawm qhov chaw zov me nyuam.
• Tsuas pub muaj txog tsib tug me nyuam nrog ib tug neeg ua hauj lwm xwb 
• Yuav tsum sib nrug deb li 6 hneev taw raws li nrug tau  
• Ib sij ntxuav tes ib zaug

Published March 25, 2020

• Lub Koom Haum International Baccalaureate (IB) tau tshaj tawm tias tsis muaj xeem rau qhov Khoos Kas IB Diploma thiab qhov Khoos Kas Kawm Mus Rau Hauj Lwm (Career-related Programme) rau thaum lub Tsib Hlis xyoo no lawm, vim tus kab mob (COVID-19).
• Hais rau cov tub ntxhais kawm ntawv uas yuav kawm qhov IB Diploma thiab cov Chav uas kawm tau Ntawv Pov Thawj (Course Certificate): Tsis muaj xeem qhov Diploma Programme uas teem rau thaum lub Plaub Hlis tim 30 mus txog lub Tsib Hlis tim 22, 2020 lawm thiab. 
• Tub ntxhais kawm ntawv yuav tau txais ib daim Diploma los sis ntawv pov thawj (Course Certificate) ua kev zoo siab rau qhov uas lawv kawm tau ntawv zoo raws tus qauv kawm ntawv, thiab raws li tej ntaub ntawv uas lawv ua tiav zoo, thiab cov ntaub ntawv uas tsim ua kev soj ntsuam mus rau qhov khoos kas IB.
• Cov xib hwb tab tom npaj cov ntawv uas yuav nyob hauv tsev kawm kom txhij rau hnub Monday, lub Plaub Hlis tim 6, raws li Hau Xeev Tim Walz cov lus sam fwm, kom tub ntxhais kawm tau ntawv zoo txuas mus, muaj kev txawj, thiab kawm cov ntawv uas npaj lawv mus kawm tau cov ntawv hauv qib siab yav tom ntej.
• Nej tus tub ntxhais kawm ntawv tus xib hwb yuav qhia kom ntxaws, nyob raws quag li cas, thiab kev paub los ntxiv raws li uas peb tau txais ntawm qhov IB los.     

Nyob rau lub sij hawm no yog nej muaj lus nug los sis kev txhawj li cas ces nug mus rau tus uas saib qhov Khoos Kas IB no.  

Link: Read the IB testing letter that was sent to families

Published March 25

• Pawg tsav xwm AP rau qib siab tau tshaj tawm tias tus xeem AP rau lub Tsib Hlis 2020 no ces yuav xeem online lawm xwb. Thaum peb paub meej li cas ntxiv lawm, peb mam qhia los rau nej kom sai. Peb paub tias tej ntaub ntawv uas nyob hauv tus xeem no ces yuav muaj raws li tej uas cov tub ntxhais kawm ntawv twb kawm thaum lub Cuaj Hli mus txog lub Peb Hlis lawm.
• Cov tsav xwm AP rau qib siab tau tso tawm qhia ntxiv nyob online rau hauv: https://bit.ly/3afeNQd. Tub ntxhais kawm ntawv ho tso tseg tsis xeem lawm (cancel exams) los tsis raug them dab tsi.
• Cov xib hwb tab tom npaj cov ntawv uas yuav nyob hauv tsev kawm kom txhij rau hnub Monday, lub Plaub Hlis tim 6, raws li Hau Xeev Tim Walz cov lus sam fwm, kom tub ntxhais kawm tau ntawv zoo txuas mus, muaj kev txawj, thiab npaj txhij xeem rau thaum lawv kawm tas, thiab mus kawm tau cov ntawv hauv qib siab yav tom ntej. 
• Thaum twg peb paub ntau ntxiv thiab meej los ntawm qhov AP no lawm, cov xib hwb li mam qhia kom ntxaws ncaj nraim los rau cov tub ntxhais kawm ntawv.  

LINK: Read the letter that went to families about AP testing.