1. Nias lub pob saum toj twj ywm kom pom qhov uas muab txav ces lub iPad tuag tawm los.
   
2. Muab qhov uas txav ces lub iPad tuag swb tawm, thiab tos li 30 sij feeb ces lub iPad tuag.
3. Rov qhib lub iPad, rov nias lub pob saum toj kom txog thaum koj pom daim duab lub Apple tawm tuaj.

Tej zaum yuav tau update qhov App hauv koj lub iPad.

Yog yuav update qhov app, ces xub muab lwv tawm hauv koj lub iPad, ces li mam rov nruab dua hauv self Service App Store los.

Update lub iPad yuav kho tau ntau yam teeb meem.  Ua ntej update koj lub iPad, nco ntsoov muab txoj hlua txhab roj ntxig hluav taws xob tso. Nkag hauv no mus kawm update iPad: Instructions to update your iPad are here.

Tshem tej siv tsis txog (cache) hauv Safari tawm yuav ua rau muaj chaw ntau los teeb website los sis tej yam uas teeb tsis yog chaw.

Tshem tej siv tsis txog (cache) hauv Safari ntawm lub iPad li cas?

1. Qhib mus rau qhov Settings
2. Txav lawm hauv thiab nias qhov Safari
3. Rov txav lawm hauv ntxiv thiab nias qhov Clear History thiab Website Data, rov nias ib zaug ntxiv kom meej

Nkag hauv no mus tshem tej uas siv tsis txog ntxiv:  Additional information about clearing website data is here.

Tej zaum xib fwb yuav paub nrog koj daws qhov teeb meem nyob ntawm seb qhov app twg thiab yog ua dab tsi.

Txhua lub sij hawm, tej kev txawm peem li hauv no npaj txhij pab cov tsev neeg uas xav tau kev pab.

• Xa email mus rau: familysupport@spps.org

Hu rau: 651-603-4348 thaum 7 a.m. – 8 p.m. Thov tso lus kom meej lawv mam teb rov tuaj sai li sai tau.

Cov tsev neeg uas tsis muaj WiFi yuav tau kev pab los ntawm cov hotspots thiab ntawm cov sib koom tes, xws li Comcast.

Tiv tauj nej tus me nyuam tus xib fwb yog tias nej xav kom nkag tau WiFi.

Cov neeg ua hauj lwm yuav tau xa ticket mus rau lub rooj pab kom pab lawv nkag tau WiFi.

• Xa email mus rau familysupport@spps.org
• Hu rau: 651-603-4348 7am – 8pm, lawv mam teb rov tuaj

Cov neeg ua hauj lwm hauv lub hauv paus tsev kawm ntawv uas pab rau seem technology mam li tiv tauj nej seb yuav hloov li cas kom kawm tau cov ntawv uas nyob hauv tsev kawm ntawv no txuas ntxiv mus.

Thov nug nej lub tsev kawm ntawv. Txhua lub tsev kawm ntawv muaj tus saib cov iPads thiab/los sis muaj tus kawm txog technology thiab lwm seem kev txawj uas paub pab nej. Cov neeg ua hauj lwm hauv tsev kawm ntawv mam li pab nej xa ntawv mus thov kev pab ntawm qhov Technology service yog tias lawv pab tsis tau nej.

Txhua tus tub ntxhais kawm ntawv hauv SPPS muaj lub username, password thiab Google Apps email. Tub ntxhais kawm ntawv siv cov no nkag mus nrhiav yam kev kawm uas muaj txawm peem rau lawv.

Cov tsev neeg nkag rau hauv qhov Parent Portal mus saib lawv tus me nyuam tej ntaub ntawv uas lawv kawm los tau. Cov lus qhia nkag rau hauv Parent Portal nyob rau ntawm nov.

Xav tau kev pab ntxiv:

• Xa email mus rau qhov: onestop@spps.org
• Hu tus xov tooj: 651-744-5145

Schoology yog ib qho kev pab tswj cov ntawv uas kawm online kom koj paub koj tus me nyuam cov chav, cov ntawv uas yuav tsum ua thiab qhab nia. Koj siv tau schoology mus:

• Saib koj tus me nyuam cov ntawv kawm thiab pawg neeg uas sib koom tes
• Saib koj tus me nyuam cov ntawv uas tseem yuav muaj los, tam sis no thiab cov uas ua tsis tau tas
• Saib kev tshaj tawm txog lub tsev kawm ntawv thiab cov ntawv kawm
• Koom tes nrog koj tus tub ntxhais kawm txoj kev kawm
• Parent Guide to Schoology (English) (Qhia niam txiv siv Schoology)
  • Hmoob
  • Karen
  • Spanish
  • Somali
• Login to Schoology (Nkag mus rau Schoology)
• Submit an assignment (Xa ntaub ntawv mus)
• Set Notifications in Schoology (Teeb hauv Schoology kom muaj dab tsi ces qhia rau yus)

Cov tub ntxhais kawm qib K-2 yuav siv ib qho iPad app hu ua Seesaw los kawm thiab ua ntawv nrog lawv cov xib hwb.

• Ib txhia tub ntxhais kawm ntawv twb muaj Seesaw rau hauv lawv cov iPads lawm.
• Yog tsis tau muaj Seesaw, me nyuam tus xib hwb mam li xa ib tug Seesaw code hauv text los sis email los rau nej.
• Cov tub txhais kawm qib K-2 yuav tau mus qhib Seesaw thiab saib lawv cov xib hwb cov lus tos txais.

Cov saib xyuas: yog nej tsis paub nej tus me nyuam tus code kawm ntawv hauv tsev:

• Tiv tauj nej tus me nyuam tus xib hwb hauv tsev kawm ntawv lub webpage. https://www.spps.org/Page/14791
  • Tej zaum cov xib hwb yuav xa email, hu xov tooj, text los sis siv campus messenger qhia tub ntxhais kawm ntawv tus code kawm ntawv hauv tsev los rau nej.
  • Yog tiv tauj tsis tau tus xib hwb ces hu rau tsev kawm ntawv pab, cov xov tooj nyob hauv no. School Directory

Cov tsev neeg: pab teeb kom tau qhov Seesaw los siv rau hauv tsev.

• Nej tus me nyuam thiab tus xib hwb yuav siv qhov app hauv iPad hu ua Seesaw los kawm thiab ua ntawv.
• Pab nej tus me nyuam teeb qhov Seesaw rau hauv iPad.
• Nej tus me nyuam tus xib hwb yuav xa tus Seesaw Code hauv text los sis email los rau nej.
• Tus Seesaw code muaj 12 tus zauv, xws li no: AAAA AAAA AAAA
• Tej zaum nej yuav tau txais ib tug QR code thiab.

Yog xav tau kev pab ua lus Askiv, hu rau nej tus me nyuam lub tsev kawm ntawv. Kev pab ntxiv muaj li hauv no:

• Hmoob 651-744-4651
• Karen 651-744-6282
• Somali 651-744-8299
• Spanish 651-744-2769

Yog xav paub txog Seesaw ntxiv, mus saib hauv peb phab uas teev kev pab rau Seesaw ntawm nov Seesaw Support page.

Nkag online mus nrog tus neeg ceev ntawv tham hnub M-F thaum 8 am – 5 pm hauv org/virtuallibrary thiab nias lub pob "Help". Yuav muaj cov lus nug thiab teb (FAQs) pab rau cov tsev neeg thiab tub ntxhais kawm ntawv rau yav tsaus ntuj thiab lim tiam xaus.

Qhov The One Stop Website muaj cov kab txuas online rau cov tub ntxhais kawm ntawv thiab cov saib xyuas mus rau Xees Phos Tsoom Fwv Tsev Kawm Ntawv cov twj tshawb kev kawm. Cov saib xyuas siv lawv qhov One Stop usernames thiab passwords (gXXXXXX) nkag mus siv ob qhov twj: (1) Campus Parent thiab (2) Schoology. Cov niam txiv thiab saib xyuas uas muaj tub ntxhais tab tom kawm ntawv ces muaj tus One Stop account. Rov mus tshawb lub one Stop username thiab tus password hauv One Stop Username and Password Reset/Recover los sis nrhiav xov tooj hu mus rau tsev kawm ntawv chav ua hauj lwm (School Directory).

Qhov Clever Single Sign On no yog tsim los kom nkag yooj yim mus tshawb cov kev kawm thiab tej kev txawm peem. Qhov Clever no muaj txhij rau txhua tus neeg ua hauj lwm qhia ntawv rau xyoo 2019-2020. Qhov Clever no yeej muaj nyob rau hauv cov tub ntxhais kawm ntawv thiab cov neeg ua hauj lwm cov iPads lawm. Xav nyeem ntxiv txog Clever, nias nov click here.

Nias qhov Self Service App
Xav thau ib qho App los siv: Nias peb lub tee saum ces kaum sab laug kom pom cov apps raws quag. Los sis nias "Search" ces ntau lub npe app rau ntawd. Cov apps ntawm qhov Self Service no ces thau DAWB xwb. Tsis tas muaj tus Apple ID los sis password li. Twb muab cov apps no los ua zoo saib txog tej yam uas tsis pub paub thiab kev ruaj ntseg lawm.

Yuav kom nyob tau rau hauv qhov Self Service App Store no, cov apps thiab Websites yuav tsum:

• Ua raws li lub xeev thiab tsoom fwv cov cai tsis pub paub.
• Muaj cov lus uas hais txog tsis pub paub.
• Siv DAWB xwb, tsis pub muaj qhov sim cov software.
• Tsim nyog rau qhov siv tau.
• Txhawb tau tus qauv, SPPS cov ntawv kawm, thiab lub luag qhia ntawv.
• Tsis pub theej tau los ntawm lwm yam twj.

Xav nyeem Xees Phos Tsoom Fwv Tsev Kawm Ntawv cov cai ua pub rau tus neeg thib peb paub, nias nov click here.