Caawinta Qoysaska ee Waxbarashada Durugsan (Distance Learning)

  • Distance Learning logo

    Waxbarashada durugsan waxay u baahan tahay wadashaqeynta ardayda, macallimiinta, shaqaalaha, iyo qoysaskaba si waxbaristu u noqoto mid micno sameysa oo waafaqsan xeerarka waxbarashada Minnesota (Minnesota statutes). Qoysaska waxaa laga doonayaa inay Degmada SPPS ka caawiyaan:

    Maqnaanshaha iyo Jirrada/Xanuunka

    • Haddii uu cunuggaagu jirran yahay oo uusan sameyn karinna hawlaha Waxbarashada Durugsan (Distance Learning), waalidka/masuulka guriga waa inuu soo wacaa iskoolka oo soo sheego in cunuggiisu maalinkaas ka maqan yahay waxbarashada durugsan.

    Isku diyaarin in Iskoolladu sii xirnaadaan Xilli dheer

    • Waxaan diyaar u ahay inaan ilmahayga ku caawiyo in ay email u diraan macallinkooda haddii ay jiraan su’aalo quseeyo duruustooda.
    • Waxaan Schoology / Seesaw ku leeyahay qeyb aan galo waalid ahaan (akoonti) si aan ula socdo maaddooyinka ilmahaygu qaataan.  

    Inta lagu jiro Xilliga la dheereeyay ee ay Iskoolladu xiran yihiin

    • Waxaan isha marin waxyaalaha la iska doonayo ee uu i siiyay macallinka Waxbarashada Durugsan (Distance Learning Checklist) ee Secondary / Elementary.
    • Waxaan ilmahayga ka caawin duruusta Waxbarashada Durugsan haddii ay u baahdaan caawin.
    • Waxaan ilmahayga xasuusin inay sameeyaan dhammaan duruusta iyo laylisyada Waxbarashada Durugsan.
    • Waxaan ilmahayga ka caawin inay dhawraan iPad-ka oo koronto ku filan la geliyo (charging).
    • Haddii aniga ama cunuggeyga aynu su’aal qabno ama ay nagu adkaato inaynu galno dersi uu macallinku soo geliyay Seesaw ama Schoology, waxaan email u diraynaa macallinka.
    • Waxaan ilmahayga la daawan fiidiyowgan: How to be Safe and Care for your iPad oo ah Sida looga Taxaddaro oo loo Daryeelo iPad-kaaga

    Xirnaanshaha dheer ee Iskoolka ka dib

    • Haddii loo baahdo, waxaan ilmahayga weyddiin waxa uu macallinku ka soo yiri dersigii ay ka shaqeeyeen.
    • Waxaan fahansanahay in aan fiirin karo duruusta maalinlaha ee la soo geliyo Schoology/Seesaw

    Waxaan macallinka kala xiriiri doonaa wixii su’aal ah ee aan ka qabo duruusta uu ka shaqeeyay ilmahayga inta ay socotay waxbarasada durugsan.