-
Cov Tsev Neeg Uas Tsiv Los Tshiab Rau Tsoom Fwv Tsev Kawm Ntawv Saint Paul:
Hauv paus tsev kawm ntawv tau npaj kom muaj kev qhia, tej twj technology (iPads) thiab kev txhawb kom txhua tus me nyuam txij qib K-12 muaj WiFi siv. Sab ntawv no hais txog kev txhawb cov tsev neeg los tshiab kom muaj tej twj siv Kawm Ntawv Hauv Tsev Mus xws li iPad thiab tej chaw mus muab tej ntaub ntawv hauv tsev kawm ntawv lub vas sab.
- Kev qhia ntawv online yog yuav siv tej twj xws li iPad uas tsev kawm ntawv muab rau me nyuam coj los kawm.
- Cov me nyuam qib K-12, ib tug yuav tau txais ib lub iPad.
- Cov tsev neeg uas tsis muaj WiFI los tsev kawm ntawv yuav pab nrhiav kom tau Wifi hotspot rau lawv uas yog Comcast ua tus muab.
iPads yeej yog ib yam twj kawm ntawv uas hauv paus tsev kawm ntawv tau muaj los txhawb rau qhov kev kawm uas hu ua Personalized Learning uas yog qhia thiab kawm rau cov me nyuam ntau haiv neeg. Qhov kev kawm Personalized Learning yog mus li no:
- Cov xib fwb mus muab tau tej ntaub ntawv kev paub uas zoo-zoo, tej kev qhia uas haum nrog hauv paus tsev kawm ntawv lub hom phiaj kom txhua tus me nyuam nyias kawm tau raws li nyias lub peev xwm.
- Cov me nyuam muaj ntau txoj kev mus muab kev txawj nse, xav tau tob-tob thiab muaj peev xwm nthuav tau tej txuj ci uas lawv kawm tau los.
- Cov me nyuam lub tswv yim thiab kev xaiv yog kev muab tej txuj ci lawv kawm tau coj los sib dhos ua ke yam muaj quag zoo. Qhov Nyias Kawm Raws Nyias Lub Peev Xwm (Personalized Learning) no, yuav pab kom tau me nyuam muaj peev xwm txawj muab lawv lub tswv yim coj los siv thiab muaj kev thaj tsob rau lawv txoj kev kawm ntawv.
FAQ Distance Learning Resources:
-
iPads rau cov tub ntxhais kawm ntawv uas los tshiab rau SPPS
Kev npaj iPads rau nej tus me nyuam yog lub caij thaum tuaj teev npe kawm ntawv hauv SPPS. Tej zaum tsev kawm ntawv yuav tiv tauj nej tsev neeg txog nej tus me nyuam lub iPad tsis pub dhau 48 teev tom qab teev npe tas. Yog tias yuav tsum tau ua, mam teem sij hawm xa iPad tuaj.
Txhua lub iPad rau cov tub ntxhais kawm ntawv uas los tshiab mas yuav muab npaj thiab tab kom tiav li ua tau. Yuav muab daim ntawv teev cov lus qhia, passwords thiab pib siv xa los nrog lub iPad. Yog tias nej lub iPad puas los sis xav tau ib lub los hloov, thov sau email los sis hu mus rau Saint Paul Public Schools Technology Services:
- Email: familysupport@spps.org
- Hu Xov Tooj: 651-603-4348 thaum 7 a.m. – 8 p.m.. Thov kaw lus kom ntxaws ntxaws tseg es ib tug neeg mam hu rov qab rau nej.
Yog hais tias nej muaj teeb meem txog nej lub iPad, nej kuj hu tau rau nej tus me nyuam tus xib hwb los sis nws lub tsev kawm ntawv thiab.
SPPS cov neeg ua hauj lwm hauv lub hauv paus tsev kawm ntawv uas pab rau seem technology mam li tiv tauj nej seb yuav hloov li cas kom kawm tau cov ntawv uas nyob hauv tsev kawm ntawv no txuas ntxiv mus.
-
Campus Parent
Campus Parent yog ib qho chaw uas muaj tub ntxhais kawm ntawv tej ntaub ntawv tseem ceeb thiab twj rau cov niam txiv thiab cov saib xyuas. Nias qhov “Login” uas nyob rau sab xis kom nkag tau rau cov ntaub ntawv thiab twj hauv Campus Parent.
- Cov hoob thiab lub sij hawm kawm ntawv: Nej tus me nyuam cov hoob thiab lub sij hawm kawm ntawv, kawm tau li cas, thiab cov qhab nia kawg.
- Cov qhab nia tam sim no (rau cov tub ntxhais uas kawm rau theem ob nkaus xwb): Yuav muab nej tus me nyuam cov qhab nia uas tau txhua hmo hauv Schoology xa mus rau Campus. Mus saib cov qhab nia no hauv Campus Parent ntawm qhov sau tias Grades.
- Kev mus kawm ntawv: Qhia tias nej tus me nyuam tsis mus koom rau kev kawm.
- Ntaub ntawv qhia: Qhia txog tub ntxhais kawm ntawv cov hoob thiab sij hawm kawm, ntawv teev qhab nia thiab cov qhab nia kawg (transcripts).
- Nyiaj noj mov tshuav li cas: Qhia tias nej tus me nyuam tshuav nyiaj noj sus npaum li cas nyob rau nws tus zauv noj mov.
- Dhau Caij: Qhia tias nej tus me nyuam muaj tej yam qiv hauv tsev ceev ntawv los uas twb dhau caij lawm tsis tau xa rov qab.
- Kev thauj mus los: Qhia txog cov tsheb npav thiab chaw tos npav.
- Xov los ntawm tsev kawm ntawv cov thawj coj: Tej thaum tsev kawm ntawv cov counselors thiab cov neeg ua hauj lwm hauv chav ua hauj lwm yuav siv Campus Parent Messenger txuas lus nrog tub ntxhais kawm ntawv thiab cov niam txiv. Cov xov no yuav tshwm rau hauv qhov Campus Portal Notifications thiab email.
Nco ntsoov: Qhab nia rau qhov mid-term thiab cov qhab nia kawg puav leej muaj nyob rau hauv Campus Parent. Cov qhab nia uas tau txais txhua hnub thiab cov qhab nia kawg yuav muaj nyob rau hauv Schoology. Yog xav paub ntxiv txog Campus Parent, nias qhov nov click here.
-
Seesaw (PreK -2)
Cov tub ntxhais kawm qib K-2 yuav siv ib qho iPad app hu ua Seesaw los kawm thiab ua ntawv nrog lawv cov xib hwb.
- Cov tsev neeg: thov pab tab qhov Seesaw app rau nej tus me nyuam siv hauv tsev.
- Nej tus me nyuam tus xib hwb mam xa tus Seesaw code hauv xov tooj los sis email los rau nej.
- Tus Seesaw code muaj 12 tug zauv, zoo li no: AAAA AAAA AAAA
- Tej zaum nej yuav tau txais ib tug QR code thiab.
Muaj qhia txog qhov Seesaw thiab kev pab ntxiv nyob rau ntawm nov.
-
Schoology (Qib 3 - 12)
Schoology yog ib qho kev pab tswj cov ntawv uas kawm online kom nej paub nej tus me nyuam cov chav, cov ntawv uas yuav tsum ua thiab qhab nia. Nej siv tau schoology mus:
- Saib nej tus me nyuam cov ntawv kawm thiab pawg neeg uas sib koom tes
- Saib nej tus me nyuam cov ntawv uas tseem yuav muaj los, cov tam sim no thiab cov uas ua tsis tau tas
- Saib kev tshaj tawm txog lub tsev kawm ntawv thiab cov ntawv kawm
- Koom tes rau nej tus me nyuam txoj kev kawm
Yog xav paub ntxiv txog Schoology, nias nov.
-
Kev Pab Rau iPad
Yog hais tias nej los sis nej tus me nyuam muaj lus nug txog kev siv iPad app rau hauv chav kawm es xav tau kev pab, mus saib phab ntawm nov.
-
Qhov Digital Citizenship rau SPPS Cov Tub Ntxhais Kawm Ntawv
Digital citizenship yog ib lub tswv yim tseem ceeb uas muaj siv ntau yam technology tsim nyog thiab mus rau seem zoo los ntawm cov tub ntxhais kawm ntawv thiab neeg ua hauj lwm. Raws li yog ib tug hauv qhov chaw kawm uas ib tug tub ntxhais kawm ntawv muaj ib lub iPad, peb txhua tus yuav tau koom tes saib xyuas kev ruaj ntseg thiab tej ntaub ntawv tseem ceeb uas tsis pub lwm tus paub txog ntawm peb lub zej zog.
Ua raws li tsoom fwv txoj cai Children's Internet Protection Act (CIPA), Xees Phos Tsoom Fwv Tsev Kawm Ntawv npaj qhia kom cov tub ntxhais kawm ntawv muaj kev thaj tsob rau kev siv technology thiab internet kom muaj kev ruaj ntseg thiab coj cwj pwm zoo online. Hauv paus tsev kawm ntawv los kuj yuav hais kom cov xib hwb rov qhia txog kev thaj tsob ntawm kev siv technology ua ntu zus rau cov tub ntxhais kawm ntawv nyob rau hauv lub xyoo kawm ntawv thiab.
Yog xav paub ntxiv txog qhov Digital Citizenship hauv SPPS, nias nov. -
Teeb SPPS Cov iPad thiab Kev Ruaj Ntseg
i
Cov iPads uas peb muab rau cov tub ntxhais kawm ntawv hauv Xees Phos Tsoom Fwv Tsev Kawm Ntawv siv mas peb twb nruab cov software uas lim kev siv internet rau ua ntej tag lawm kom muaj kev ruaj ntseg thiab kom siv tau thaum tsis nyob hauv tsev kawm ntawv. Cov iPads hauv tsev kawm ntawv no mas nws txawv cov uas yuav ntawm Apple Store los sis Best Buy los thiab nws ua hauj lwm txawv.
Qhov uas tub ntxhais kawm ntawv cov iPads txawv lwm cov no mas muaj li nram qab no:
- Tso qhov kev lim txoj kev siv internet rau ua ntej lawm, kom nkag tsis tau rau social media xws li Facebook, Instagram, Snapchat thiab lwm yam txhua lub sij hawm. Thaiv tsis pub nkag rau tej yam rau neeg laus uas tsis raws cai txhua lub sij hawm.
- Tub ntxhais kawm ntawv tsis siv tus Apple ID, thiab lawv tsuas nkag tau rau hauv Self Service App Store nkaus xwb. Cov apps ntawm qhov Self Service no ces thau dawb xwb thiab twb muab cov apps no los ua zoo saib txog tej yam uas tsis pub paub thiab kev ruaj ntseg lawm.
- Tej yam xws li Facetime, iMessage thiab lwm yam uas tsis tsim nyog siv rau hauv chav kawm mas raug muab kaw tag lawm kom txhob ua hauj lwm.
- Cov neeg saib xyuas muaj peev xwm txwv tau lub sij hawm siv iPad thiab tswj lwm yam kev siv los ntawm kev ua raws li cov lus qhia nyob rau ntawm phab nov.
Nias qhov nov, ces nej yuav pom txhua yam uas muaj nyob rau hauv SPPS cov iPads.
-
Additional Resources:
SPPS iPad Handbook
-
Monitor Student Progress SPPS xav kom cov niam txiv thiab cov neeg saib xyuas siv lub iPad los soj ntsuam lawv cov me nyuam txoj kev kawm thiab sib txuas lus nrog lawv tus me nyuam tus xib hwb. Hais kom nej cov me nyuam qhia nej txog yam lawv tau kawm thiab tsim nrog lub iPad, thiab nrog lawv tham seb lawv siv lub iPad li cas nyob hauv tsev kawm ntawv.
Campus Mobile Portal thiab Schoology Mobile Apps Cov niam txiv thiab neeg saib xyuas muaj peev xwm siv qhov Campus Mobile Portal los sis Schoology app hauv lub iPad mus saib tau lawv cov me nyuam cov qhab nia, kev tuaj kawm ntawv, thiab cov ntawv uas tseem yuav muaj los tom ntej. Xyoo no SPPS tab tom hloov mus rau kev siv Schoology los ua qhov twj uas pab tswj cov ntawv kawm, txhawb kev sib txuas lus, thiab teev qhab nia. Yuav tsis muaj ntaub ntawv qhia txog qhab nia rau cov tsev neeg uas muaj me nyuam kawm rau tsev kawm ntawv theem pib nyob rau hauv cov apps no.
Kev Sib Txuas Lus Hauv Email Cov niam txiv siv tau qhov Safari browser app nkag mus rau lawv tus email ntiag tug es xa email mus rau lawv tus me nyuam tus xib hwb. Cov niam txiv thiab neeg saib xyuas yuav tsum tsis txhob ntxiv lawv tus email ntiag tug rau hauv qhov Mail app hauv lub iPad vim hais tias txhua tus uas nkag rau lub iPad yuav pom lawv cov emails.
Basic iPad Tips
The Department of Personalized Learning has some tips on how to use the iPad.iPad Care and Proper Use
- Always keep the iPad in the case.
- Keep keyboard attached to case unless necessary for photographing or similar activity.
- Close keyboard cover and carry with two hands- clutched to chest, carry like a book, or zip securely into a backpack.
- Walk with your iPad and do not carry iPad inside folder or trapper keeper.
- Keep away from water or a heat source and do not leave in a cold or hot car.
- Always keep the iPad in the case.