Kho tshiab 12/24/20

Xees Phos Tsoom Fwv Tsev Kawm Ntawv tab tom ua raws li lub xeev Minixaustas txoj kev npaj kom muaj kev nyab xeeb (Safe Learning Plan) rov qab tuaj kawm ntawv tim ntsej tim muag. Ib txhia kev ua kom muaj kev nyab xeeb yog: 

• Cov neeg ua hauj lwm yuav tsum coj ntaub npog qhov ncauj qhov ntswg thiab coj iav thaiv ntsej muag thaum qhia ntawv yog tias tsim nyog
  • Tej qhov uas yuav tau tso dis ncauj tawm, cov neeg ua hauj lwm yuav tau siv daim npog qhov ncauj uas pom tshab plaws thiab coj iav thaiv ntsej muag ntxiv rau.
  • Tej qhov uas coj ntaub npog qhov ncauj qhov ntswg thiab looj iav thaiv es yuav muaj kev phom sij, xws li tsav tsheb, ua hauj lwm hauv chav ua noj, siv twj kawm thiab ntxiv mus, ces cov neeg ua hauj lwm siv ntaub npog qhov ncauj qhov ntswg xwb los tau.
• Cov kawm thaum ntxov thiab theem qis: cov kev kawm tshwj xeeb yuav tsum qhia rau hauv chav los sis nraum zoov, yog tias huab cua zoo.

• Kev xyaum cev, kos duab thiab cov kev pab xws li nplij tswv yim, kev kawm tshwj xeeb thiab ntxiv mus, ces qhia rau ntawm nyias chav sab nraud los tau.

• Noj mov hauv chav kawm los tau yog tias hauv chav noj mov dav tsis txaus rau cov tub ntxhais kawm nyob sib nrug deb li 6 hneev taw thiab pom meej tias muab sawv daws sib cais tsis tau hauv chav noj mov.
• Xav kom yuav tsum muaj kev sib nrug li 3 hneev taw rov tod.

Xees Phos Tsoom Fwv Tsev Kawm Ntawv npaj kom muaj kev nyab xeeb thiab noj qab haus huv rau peb cov tub ntxhais kawm ntawv, neeg ua hauj lwm thiab lawv cov tsev neeg. Tej yam hloov uas cov neeg ua hauj lwm, tub ntxhais kawm ntawv thiab cov tsev neeg yuav pom thaum rov tuaj kawm ntawv yog yuav tau coj ntaub npog qhov ncauj qhov ntswg, kuaj seb puas muaj xeeb ceem mob, thiab tej kev hloov rau txoj kev tu ub no kom huv thiab kev noj mov, thiab lwm yam. Cov thawj coj koom tes rau cov kev coj noj coj ua no thiab npaj yuav siv rau peb cov tsev kawm ntawv.

Ib txhia kev coj rau kev noj qab haus huv muaj xws li:

• Coj li cas rau tus kab mob COVID-19 (COVID-19 Student and Family Guidelines)
• Kev qhia tawm txog tau tus kab mob COVID-19 (Updated reporting system for individuals with COVID-19 symptoms)
• Npog qhov ncauj qhov ntswg li cas Guidance around masking(ntaub npog qhov ncauj qhov ntswg)
• Txheeb kev muaj mob thiab cov lus qhia (Health screening checklist and guidelines)
• Cov cim qhia looj ntaub npog qhov ncauj qhov ntswg, nyob sib nrug/kos cim rau hauv plag tsev, txheeb kev noj qab nyob zoo, ntxuav tes thiab xeeb ceem ntawm tus kab mob COVID-19

Kho tshiab 12/23/20

Fab kev noj qab haus huv nyuam qhuav hloov qhov uas ib tug twg tau mus ze rau tej tus neeg muaj tus kab mob COVID-19 es muab cais (COVID-19 quarantines due to close contacts). Xees Phos Tsoom Fwv Tsev Kawm Ntawv tau kho tej kev coj kom raws li tej kev hloov no thiab. Xees Phos Tsoom Fwv Tsev Kawm Ntawv txo qhov uas muab cais 14 hnub los ua 10 hnub raws li tej kev tsim nyog. Yog tsis tau txog 10 hnub mas tsis tau pub nej tawm rau ib qho dab tsi hlo li.  Muaj tej qhov mas tseem muab cais li 14 hnub, yog tias muaj ib tug hauv nws tsev neeg muaj mob thooj los sis kuaj tau tus kab mob COVID-19 lawm, vim qhov uas yuav kis rau cov hauv tsev mas siab heev.

Cov kawm qib K-12, cov neeg ua hauj lwm hauv SPPS, thiab cov qhua yuav tsum looj ntaub npog qhov ncauj qhov ntswg, tsuas tshwj tias tau ntawv ntawm kws kho mob tsis pub looj xwb. Thaum nyob hauv tsev kawm ntawv, cov chav hauj lwm hauv tsev kawm ntawv thiab caij tsev kawm ntawv cov tsheb mas txhua tus yuav tsum looj ntaub npog qhov ncauj qhov ntswg. Cov tub ntxhais kawm, neeg ua hauj lwm thiab cov qhua nyias yuav tsum coj nyias ntaub npog qhov ncauj qhov ntswg, tiam sis yog leej twg tsis coj tuaj los peb muaj rau tus ntawd thiab.

Xees Phos Tsoom Fwv Tsev Kawm Ntawv xav tau nej kev pab tswj txoj kev sib kis ntawm tus kab mob COVID-19 los ntawm kev nrog pom thiab qhia tej kev txhawj tawm kom ntxov thiab ua raws li tej kev qhia txog muab cais tawm.

Mob tus kab mob COVID-19 ces yuav tshwm li no:

• Ua npaws kub txog 100.4° F rov saud
• Pib hnoos thiab/los sis hnoos heev zuj zus
• Ua pa nyuaj nyuaj
• Ncauj pib tsuag los sis tsis hnov ntxhiab; LOS SIS
• muaj 2 yam li hauv no:

• mob caj pas, xeev siab, ntuav, zawv plab, no ib ce, mob leeg mob txha, sab heev, pib mob taub hau, pib txhaws ntswg los sis los ntswg. 

Teb plaub nqe lus nug no:

• Tsis ntev los no kuv tus me nyuam puas nyuam qhuav mus kuaj tau tias nws muaj tus kab mob COVID-19?
• Puas muaj tej yam tshwm rau kuv tus me nyuam raws li sau rau saum toj no uas ntxim yog tus kab mob COVID-19?
• Kuv tus me nyuam puas nrog tej tus neeg uas mus kuaj tau tias muaj tus kab mob COVID-19 nyob los sis tshwm li uas tus neeg ntawd muaj tus kab mob COVID-19?
• Kuv tus me nyuam puas tau mus nyob ze li 6 hneev taw thiab ntev tshaj li 15 feeb rau ntawm tej tus neeg uas tsis ntev tas los kuaj tau tias nws muaj tus kab mob COVID-19?

Yog koj teb tias MUAJ raws li ib nqe saum toj no:

• Tsis txhob xa koj tus me nyuam mus kawm ntawv, hu mus qhia tias koj tus me nyuam tsis mus kawm ntawv
• Qhia tej yam ntxwv mob uas tshwm rau koj tus me nyuam los sis qhov uas koj tus me nyuam tau mus ze ntawm tej tus neeg uas muaj tus kab mob no rau hauv qhov chaw qhia online SPPS COVID-19 Reporting Systemntawm spps.org thiab nyob rau tag nrho txhua lub tsev kawm ntawv cov websites

Yuav kom muaj kev nyab xeeb rau thaum rov mus kawm ntawv tim ntsej tim muag, lub xeev Minixaustas Fab Kev Noj Qab Haus Huv thiab Fab Kev Kawm hais kom cov tsev kawm ntawv yuav tsum coj cov tub ntxhais kawm rov mus kawm ntawv zuj zus. Tsis pub kom coj tshaj peb qib tib txhij rov mus kawm ntawv rau hauv ob lub lim tiam. Cov Pre-K mus nrog cov qib K los tau yog tias muab lawv cais ntawm lwm qib. 

Kho tshiab 1/6/21

Lub xeev Minixaustas lub tswv yim npaj Minnesota Safe Learning Plan hais kom cov hauv paus tsev kawm ntawv yuav tsum siv li ob hnub los npaj rau kev hloov cov qauv kawm ntawv.  Yuav tsis muaj kawm ntawv rau ob hnub ntawd.

Rau SPPS, cov hnub uas yuav hloov los mus yog:

• Cov kawm PreK-5, Cov Me Nyuam Kawm Ntawv Tshwj Xeeb Thaum Ntxov (Early Childhood Special Education) thiab cov khoos kas tshwj xeeb Federal IV: lub Ib Hlis tim 25-29.  Lub Ib Hlis tim 29 ces yeej muab teem rau cov xib fwb ua kev kawm lawm, yog li yuav tsis muaj kawm ntawv rau cov tub ntxhais kawm uas kawm theem qis rau lub lim tiam ntawd.    
• Qib 6-12: Mam li saib seb yuav pib kawm thaum twg

Fab saib cov chaw kawm ntawv ua dej num hnyav los npaj tej vaj tse thiab chaw kawm kom muaj kev nyab xeeb rau cov neeg ua hauj lwm thiab tub ntxhais kawm ntawv. Npaj kom tau cua, tu kom huv txhua hnub, thiab sau ntawv lo qhia thoob plaws hauv cov tsev kawm ntawv kom nco ntsoov tias yuav ua li cas thiaj li muaj kev nyab xeeb yog tej qhov ntawm ntau theem uas yuav ua kom muaj kev nyab xeeb thaum rov mus kawm ntawv.

Muaj qhia ntxiv txog peb tej kev npaj no nyob rau hauv: spps.org/Page/40753

Fab kev noj qab nyob zoo rau tub ntxhais kawm ntawv, chav ua dej num tswj kev saib xyuas ib puag ncig kom huv (ESG), chav ua dej num tswj kev ruaj ntseg thiab xwm ceev, thiab cov tu vaj tu tsev ua hauj lwm ua ke kom muaj kev nyab xeeb rau cov tub ntxhais kawm ntawv thiab neeg ua hauj lwm. Xees Phos Tsoom Fwv Tsev Kawm Ntawv coj raws li plaub theem kev tu kom huv four-tiered cleaning plan los qhia txog tus kab mob COVID-19 raws li tus xeeb ceem thiab/los sis kuaj tau.

Peb cov neeg tu tsev yuav so thiab tsuag tshuaj rau cov chaw uas sawv daws siv thiab pheej chwv heev heev thoob plaws hauv tsev kawm ntawv rau txhua hnub uas kawm ntawv. Peb muaj tshuaj rau cov xib fwb siv los so thiab ntxuav tej qhov uas lawv pom tias yuav tau tu kom huv.

Txhua hnub yav lig, peb cov neeg tu tsev yuav tu txhua qhov chaw, tsuag tshuaj rau tej qhov uas chwv heev heev xws li lub dab ntxuav tais diav, kais haus dej, pob qhov rooj, rooj ua hauj lwm thiab rooj sau ntawv.  

Txawm yog ua raws li tej uas lub Xeev Minixaustas Fab Kev Kawm Ntawv hais los, SPPS tseem muaj qhov uas nyob hauv tsev kawm (SPPS Virtual Learning School) kom tas xyoo no rau cov tsev neeg uas tsis xav tso lawv cov me nyuam mus kawm tim ntsej tim muag rau tom tsev kawm ntawv los sis qhov uas kawm ib txhia hauv tsev thiab ib txhia tim tsev kawm ntawv rau xyoo 2020-2021 no.

SPPS Virtual Learning yuav tswj txoj hau kev uas nyob hauv tsev kawm kom tub ntxhais kawm tiav ntawv thiab mus raws li lub xeev tus qauv kawm ntawv.

SPPS cov tub ntxhais kawm ntawv muaj hnub nyoog 12 xyoos rov hauv uas niam txiv yog cov ua hauj lwm tseem ceeb nyob rau theem 1 (Tier 1) yuav tau txais kev zov me nyuam dawb rau lub sij hawm kawm ntawv. Cov zov me nyuam hauv qhov khoos kas no yog cov uas tsis muaj lai xee. Cov me nyuam yuav nyob nrog tib pab me nyuam thiab neeg ua hauj lwm txhua hnub. Yuav tau looj ntaub npog qhov ncauj qhov ntswg, thiab coj raws li lub xeev Minixaustas Fab Kev Noj Qab Haus Huv cov lus qhia.     

Yuav muab sij hawm rau cov tub ntxhais kawm ntawv ua lawv cov ntawv uas nyob hauv tsev kawm. Lawv yuav nyias ua nyias ntawv thiab txais kev pab me ntsis ntawm cov neeg ua hauj lwm xwb. Kuj yuav muaj tshais thiab su rau lawv noj tib si. Mus saib kom paub ntxiv txog qhov kev pab zov me nyuam Essential Kids Care hauv no.

Cov tsev neeg uas tau sau npe zov me nyuam ua ntej thiab tom qab lawb ntawv rau hauv Discovery Club lawd muaj sij hawm txog thaum lub Kaum Ob Hlis tim 27 qhia seb lawv puas xav tau kev zov me nyuam. Cov neeg ua hauj lwm li mam xav seb puas tsim nyog pib zov me nyuam ua ntej cov PreK-5 rov mus kawm ntawv tim ntsej tim muag. Xav paub ntxiv, mus saib hauv spps.org/discoveryclub thiab nias qhov Register.

Kho tshiab 12/22/20

Ua raws li hau xeev Tim Walz cov lus sam fwm (Tim Walz’s Executive Order), ces tam sim no muab txhua yam kis las thiab kev kawm tim ntsej tim muag ntxiv ncua lawm. Xees Phos Tsoom Fwv Tsev Kawm Ntawv yuav rov pib cov kis las lub caij ntuj no rau thaum lub Ib Hlis tim 14.  Xav paub ntxiv, mus saib hauv spps.org/sports.

Peb paub tias kev nyob hauv tsev kawm rau thaum lub caij nplooj hlav yog ib qho nyuaj rau cov kawm ntawv tshwj xeeb thiab cov Kawm Askiv (EL). Cov xib fwb qhia ntawv tshwj xeeb yuav nyob ib cag ntsib cov tsev neeg thaum pib kawm ntawv tham txog tus tub ntxhais kawm ntawv cov kev kawm thiab kev pab rau xyoo 2020-2021. Muaj cov neeg txhais lus uas kawm los yuav pab txhais lus rau cov tsev neeg uas xav tau kev pab. Txoj kev pab yog yuav pab raws li tus kheej qhov kev kawm IEP/IFSP lub hom phiaj thiab tig raws li tus qauv kawm uas Xees Phos Tsoom Fwv Tsev Kawm Ntawv siv rau lub caij ntawd.

Cov Kawm Askiv (EL) yuav tau kawm cov ntawv uas nyob raws tus qauv kawm ntawv thiab ua lwm seem qhia li uas qhia rau hauv txhua yam kev kawm tus qauv qhia (nyob hauv tsev kawm, sib tov kawm los sis kawm tim ntsej tim muag). Nyob rau txhua theem, cov neeg qhia ntawv yuav ua raws li tus qauv qhia ntawv Askiv EL:

• Kev pab EL hauv theem qis (EL Service Plan - Elementary)
• Kev pab EL hauv theem ob (EL Service Plan - Secondary)